«Атлетико» ҳужумчиси Антуан Гризманн кейинги мавсумда қайси жамоада бўлишини ҳозирча аниқ билмаслигини айтиб ўтди.
«Мен ўз келажагим ҳақида ўйлаяпман, аммо ҳозирча ҳеч нарсани ҳал қилмадим. Бош мақсад - Чемпионлар лигаси. Болалигимдан буён уни ютиб олишни орзу қиламан», дея франциялик футболчининг сўзларини келтирган The Independent нашри.
27 ёшли ҳужумчи ўтган мавсумда «Атлетико» сафида барча турнирлар доирасида 49 ўйинда майдонга тушган ва 29 гол уриб, 15 голга узатма берган.
Унга айни вақтда «Барселона»дан жиддий қизиқиш мавжуд, каталонияликлар унинг трансфери учун 100 миллион евро сарфлашга тайёр. Шу билан биргаликда охирги хабарларда футболчи жамоадошларига «Атлетико»да қолишини айтгани айтилганди.
