«Атлетико» ҳужумчиси Антуан Гризманн келаси мавсумни қайси клубда ўтказиши ҳақида ўйламоқда.

Испания матбуоти хабарига кўра, 27 ёшли футболчи бу ҳақдаги якуний қарорини жаҳон чемпионатидан кейин эълон қилмоқчи. Ҳозирча у «Атлетико»да қолиш ёки қолмаслик бўйича иккиланяпти.

Аввалроқ, «Барселона» клуби Гризманнга йилига 15 миллион евро маош таклиф қилаётгани ҳақида хабарлар тарқалган эди. Яқинда эса «Атлетико» клуби ҳужумчисини ушлаб қолиш учун унга 25 миллион евро маош беришга тайёр экани маълум бўлди.