«Барселона» ҳужумчиси Лионель Месси Испания Примерасининг 31-турида «Леганес»га қарши кечган ва 3:1 ҳисобидаги ғалаба қайд этилган учрашувнинг 27-дақиқасида жарима зарбасини голга айлантириб ҳисобни очди.

Бу гол ушбу 30 ёшли аргентиналик футболчи учун Испания чемпионатининг жорий мавсумида жарима нуқтасидан урилган олтинчи гол бўлди. Шу тариқа, Лионель «Барселона»нинг собиқ футболчиси Роналдиньо томонидан ўрнатилган рекордни такрорлади, бразилиялик футболчи 2006/07 йилги мавсумда 6 марта жарима нуқтасидан гол урганди.

Қайд этиш керакки, Месси ушбу учрашувда ҳет-трик қайд этди, бу унинг футболчилик фаолиятидаги 45-, «Барселона» сафидаги 40-ҳет-трик бўлди. У жорий мавсумда кўк-аноррангликлар сафида Испания чемпионатининг 30 ўйинида иштирок этган ва 29 гол урган ҳолда турнир тўпурари бўлиб турибди.