Роберто Фирминонинг «Ҳоффенҳайм»дан «Ливерпуль»га ўтиши жараёни ФИФА томонидан шубҳа остига олинди.

25 ёшли футболчи «Энфилд»га 2015 йил ёзида 29 миллион фунт эвазига ўтганди. Football Leaks тадқиқотида аниқланишича, «Ҳоффенҳайм» бу трансфердан атиги 5,8 миллион фунтни олган.

Қолган пуллар эса зинсхаймликлар клуби хўжайини Дитмар Хопп эгалик қилувчи Transfair компанияси ҳисобига йўналтирилган.

Бундан олдинроқ Поль Погбанинг «Ювентус»дан «МЮ»га ўтишида қинғирлик рўй берганини шубҳа остига олган ФИФА энди бу трансферга ҳам эътиборини қаратган. Шу билан бирга бу текширув «Ливерпуль»га тааллуқли бўлмайди.