«Реал» яримҳимоячиси Тони Кроос Холен Лопетегининг Мадрид клубидан истеъфога чиқарилгани унга жиддий таъсир қилганини айтиб ўтди.
«Лопетегининг истеъфоси менга қаттиқ таъсир қилган. Чунки у юқори савияли мураббий ва ажойиб инсон. «Реал»даги фаолияти давомида шунчаки омади юришмади. У «Севилья» билан Европа лигасини қўлга киритганида Хулен учун жуда хурсанд бўлгандим. У совринга муносиб эди», - дейди Кроос AS билан суҳбатда.
Эслатиб ўтамиз, Лопетеги 2018 йилнинг ёзида «Реал» бош мураббий этиб тайинланиб, октябрь ойида истеъфога чиқарилганди. Мураббий қўл остида жамоа 14 ўйинда майдонга тушиб, 6 ўйинда мағлубиятга учраган. Лопетеги 2019 йилнинг июнь ойидан буён «Севилья»ни бошқармоқда.
