«Бугун, 28 ноябрь куни Бекобод футболида тарихий кун содир бўлди. Мамлакатимиз мустақилликка эришгандан кейин Ўзбекистон чемпионати ва биринчиликларида қатнашиб келаётган Бекободнинг «Металлург» жамоаси ўз тарихидаги энг ёрқин ғалабани қўлга киритди», - дея ёзади клуб матбуот хизмати.

2020 йилги Ёшлар лигаси «Металлург» футболчиларининг муддатидан аввалги чемпионлиги билан якунланди. 25-турда ўз майдонида «Сурхон»ни қабул қилган бекободликлар Термиз жамоаси дарвозасига нақд бешта гол уришди – 5:0. 

Ушбу натижа эса Нозим Эсанов мураббийлигидаги «Металлург» клуби ёшларига жамоа тарихидаги илк чемпионликни тақдим этди. 21 ёшгача бўлган футболчилар ўртасидаги чемпионатнинг 2-ўрини «Пахтакор»га насиб этса, кумуш медаллари «Насаф» ёшларига насиб этди.

Ёшлар лигаси U21. 25-тур. 28 ноябрь
«Металлург» – «Сурхон» – 5:0
Бекобод, «Металлург» стадиони.
Ҳакам: Ғайрат Жўраев
Голлар: Муҳаммадали Азизбоев, 30 (1:0), Тўлқин Эргашев, 45 (2:0), Муҳсин Бозоров, 49 (3:0), Иброҳим Турғунбоев, 78 (4:0), Шаҳзоджон Неъматжонов, 90+1 (5:0).

25-турдан кейинги турнир жадвали: