Москванинг ЦСКА клуби «Ростов»нинг 22 ёшли яримҳимоячиси Бахтиёр Зайнутдинов трансферини эълон қилди.
Қозоғистонлик футболчи москваликлар билан 2025 йилгача шартнома имзолади. Зайнутдинов ўтган мавсумда Россия Премьер-лигасида 17 ўйин ўтказиб, 4та голга муаллифлик қилганди. Футболчининг «Ростов»дан ЦСКАга ўтиш трансфери 2 миллион еврога баҳоланмоқда.
Маълумот учун, Россия Премьер-лигаси 4-туридан кейин ЦСКА 6 очко билан 8-ўринда бормоқда. «Ростов» эса 6 очко билан 9-ўриндан жой олган.
