Чили миллий жамоаси дарвозабони Жонни Эррера Аргентина миллий жамоаси ҳужумчиси Лионель Месси сўзларига муносабат билдирди.

Аввалроқ, Аргентина Америка Кубоги яримфиналида Бразилияга (0:2) ютқазганидан сўнг, Месси КОНМЕБОЛни коррупцияда айблаган эди.

«Ҳакамлик бўйича бундай баёнот бериш – учига чиққан қўполликдир.

Аргентина ЖЧ-2018 саралашидан ўтолмасликка яқин эди. Месси Чилига қарши ўйинда ҳакамни ҳақорат қилиб, 4та ўйинга четлатилганди. Биз ҳаммамиз бунинг гувоҳи бўлганмиз. Аммо кейинчалик унинг дисквалификацияси 1та ўйинга қисқартирилди. Шундан сўнг у Эквадорга қарши ажойиб ўйинни ўтказди. Энди у нимадан нолимоқда?

Аргентина 2 марта жаҳон чемпионатларида ғалаба қозонган: биринчиси диктатура даврида, иккинчиси эса қўл билан урилган голдан сўнг. 

Энди Аргентинага мағлуб бўлиш ва оғзини юмиш навбати етиб келди», - деди Эррера.