Хитойнинг «Шанхай Шеньхуа» клуби «Челси» яримҳимоячиси Виллиан хизматига қизиқиш билдирмоқда.

UOL Esporte хабарига кўра, хитойликлар «Челси»га 20 миллион евро, футболчининг ўзига эса 12 миллион евро маошни кўзда тутувчи 3 йиллик шартнома таклиф қилган.

Шунингдек, Виллианга шахсий ҳайдовчиси билан 2та автомобиль, авиачипталар учун пул ва клуб ҳисобидан шоҳона уй ваъда берилган. Агар «Шанхай Шеньхуа» Хитой чемпиони бўлса, яна 1 миллион евро бонус ҳам кўзда тутилган. 

Виллиан таклифни қабул қилмаган. Унинг «Челси» билан имзолаган шартномаси яна 1 йил амал қилади. Футболчи уни узайтиришни истамоқда.

Аввалроқ, «Челси» Виллианни «Барселона» ва «Атлетико» клубларига сотмаган эди.